Obtención de certificados e documentos oficiais
Conseguir un certificado doutro país ou doutra cidade pode levar semanas de chamadas, formularios e colas. Solicitamos o documento no teu nome, recibímolo e, se fai falta, apostilámolo e traducímolo para entregarcho listo para usar.
En España
Solicitamos certificados literais e en extracto do Rexistro Civil, certificados de antecedentes penais, notas simples do Rexistro da Propiedade, certificados do Rexistro Mercantil e copias de documentos académicos.
No estranxeiro
A través da nosa rede internacional pedimos documentos no país de orixe, como actas de nacemento ou matrimonio, certificados de antecedentes ou extractos de rexistros, e recibímolos coa apostila ou legalización que corresponda.
Como funciona
Envíanos o teu documento
Achega unha copia escaneada ou unha foto lexible no formulario ou por correo electrónico.
Recibe o teu orzamento
Enviámosche un prezo pechado e un prazo segundo o idioma, o tipo de documento e o trámite.
Encargámonos do trámite
Traducimos, apostilamos ou legalizamos, e informámoste de cada paso.
Recíbeo onde esteas
En papel por mensaxería ou en formato electrónico con sinatura cualificada.
Servizos relacionados
Traducións con validez oficial, asinadas e seladas por tradutores-intérpretes xurados nomeados polo Ministerio de Asuntos Exteriores.
Tramitamos a apostila de documentos españois e estranxeiros para que teñan validez nos máis de 120 países do Convenio da Haia.
Legalización completa de documentos para países que non forman parte do Convenio da Haia, desde o ministerio ata o consulado.
Xestionamos legalizacións e trámites en embaixadas e seccións consulares, e legalizamos documentos estranxeiros para usalos en España.
Intérpretes xurados e profesionais para notarías, xulgados, vodas civís, reunións de empresa e videochamadas, presenciais ou a distancia.
Preguntas frecuentes
Que datos necesitades para pedir un certificado?
Normalmente o nome completo, a data e o lugar do feito e, nalgúns casos, unha autorización asinada e unha copia do teu documento de identidade. Indicámosche exactamente o que fai falta.
Podedes pedir documentos de calquera país?
Traballamos con moitos países a través da nosa rede. Cóntanos que documento necesitas e de onde, e confirmámosche se é posible e en que prazo.
Entregádesmo xa traducido?
Se o necesitas, si: combinamos obtención, apostila e tradución xurada nun único pedido.
Pide o teu orzamento
Os prezos dependen do idioma, do documento e do trámite, así que preparamos cada orzamento á medida. Achega o teu documento e respondémosche por correo electrónico.